ఈటివి ఛానెల్స్ కొనుగోలుకు టివి18 సిద్దం

ఈటీవీ ఛానళ్ల కొనుగోలు లావాదేవీలను టివి18 గ్రూప్ యాజమాన్య బోర్డు ఆమోదించింది. ఈ విషయాన్ని టివి 9 ఛానల్ ప్రముఖంగా ప్రసారం చేయడం విశేషం. రామోజీరావు గత కొంతకాలంగా టీవీ ఛానళ్లను విక్రయించి ఆ బాధ్యతలనుంచి తప్పుకోవడానికి ప్రయత్నిస్తున్నారు. సోని సంస్థతో దాదాపు ఒప్పందం కుదిరిన తర్వాత అది ఏ కారణం వల్లనో ఆగిపోయింది. ఈటివి, ఈటివి రెండు ఛానల్ లో ఇరవైనాలుగు పాయింట్ ఐదు శాతం, మరికొన్ని చానళ్లలో ఏబై శాతం, మిగిలిన ఛానళ్లలో వంద శాతం వాటాను కొనుగోలు చేయడానికి టివి 18 సిద్దమైంది. దీంతో టీవీ ఛానళ్ల రంగంలో తనకంటూ ఒక ప్రత్యేకత కలిగిన రామోజీరావు దానిని వదులుకోబోతున్నారన్నమాట. మొత్తం 2100 కోట్ల రూపాయలకు ఈ లావాదేవీ కుదిరినట్లు చెబుతున్నారు.