కొత్త వివాదంలో స‌చిన్ టెండూల్కర్‌

భార‌త క్రికెట్ దేవుడు గా కొల‌వ‌బ‌డుతున్న లిటిల్ మాస్టర్ బ్లాస్టర్ స‌చిన్ టెండూల్కర్ త‌న‌కి తెలియ‌కుండానే ఒక వివాదంలో ఇరుక్కున్నారు. అస‌లు విష‌యం ఏమిటంటే… ముంబయిలోని చాందినీ చౌక్ పేరుని మార్చి, స‌చిన్ టెండూల్కర్ పేరుని పెట్టాల‌న్న నిర్ణయ‌మొక‌టు వెలుగులోకి వ‌చ్చింది.. అయితే చాందినీ చౌక్ పేరును సచిన్ టెండూల్కర్ చౌక్‌గా మార్చాలనే ప్రతిపాదనపై ప్రెస్ కౌన్సిల్ చైర్‌పర్సన్ జస్టిస్ మార్కండేయ కట్జూ తీవ్ర అభ్యంతరం లేవనెత్తారు. చాందినీ చౌక్ పేరును మార్చడం దేశ సాంస్కృతిక వారసత్వాన్ని అవమానించడమేనని కట్జూ అన్నారు. చాందినీ చౌక్ పేరు మార్పుపై అభ్యంతరం తెలుపుతూ ఢిల్లీ మేయర్ రజనీ అబ్బీకు డాక్టర్ కేఎన్ కట్జూ మెమోరియల్ ట్రస్ట్ తరుపున లేఖను రాశారు. సచిన్ టెండూల్కర్ చౌక్‌గా పేరును మార్చే ప్రతిపాదన వార్తను జాతీయ దినపత్రికల్లో చూశానని.. చాందినీ చౌక్ పేరు మార్చడం అభ్యంతరకరమైందని.. దారుణమైన విషయమని ఆయన ఆవేదన వ్యక్తం చేశారు. షాజహాన్ చక్రవర్తి కాలంలో నిర్మించిన చాందినీ చౌక్ పేరు మార్చడం ప్రాచీన ఢిల్లీ నగర చరిత్రను అవమానించడమేనని ఆయన అన్నారు.