కేసీఆర్ దీక్ష 2013లో…

రాష్ట్ర మంత్రి , రాయలసీమ హక్కుల వేదిక నాయకుడుగా గుర్తింపు పొందిన టి.జి. వెంకటేష్ కు కూడా కాస్త వాచాలత్వం ఎక్కువే అని చెప్పాలి. ఏదో ఒకటి అని ఎదుటి కవ్వించడం వీరి లక్షణంగా ఉంటుంది. తెలంగాణ రాష్ట్ర సమితి అధినేత కె.చంద్రశేఖరరావును విమర్శించడం ద్వారా తన ప్రత్యేకతను చాటుకోవడానికి యత్నిస్తుంటారు. ఒక కాలెండర్ ఆవిష్కరణ కార్యక్రమం తర్వాత ఆయన మాట్లాడుతూ కెసిఆర్ కు ఒక ఉచిత సలహా ఇస్తారు. కెసిఆర్ రెండువేల పన్నెండు కాకుండా 2013 లో నిరాహార దీక్షకు దిగితే ఆయనకు ప్రయోజనం ఉంటుందని చెప్పారు. ఎన్నికల ముందు సంవత్సరం ఇలాంటివి చేస్తే అప్పుడు ఎన్నికలలో జనం సానుభూతి పొందవచ్చని కెసిఆర్ కు సలహా ఇస్తున్నారు. కెసిఆర్ దీక్షకు దిగినా ఏమీ కాదని, ఆయన ఆస్పత్రిలో ఉంటారని టిజి అంటున్నారు. ఏది ఏమైనా కెసిఆర్ తమను ఏమి అనకపోయినా, అనవసరంగా ఇలాంటి వ్యాఖ్యలు చేసి రెచ్చగొట్టవలసిన అవసరం మంత్రి టిజికి ఉందా అన్నది ప్రశ్న.