వివేకాకు ఉండవల్లి స్క్పిప్ట్

రాజమండ్రి లోక్ సభ సభ్యుడు ఉండవల్లి అరుణకుమార్ కు మంచి రాతగాడుగా పేరుంది.నేతలకు లేఖలు రాయడం, ఉపన్యాసాలు రాడం వంటి వాటిలో సిద్దహస్తుడన్న పేరు ఉంది. ఆయన స్వయంగా మంత్రి వివేకానదరెడ్డికి శాసనసభలో ఏమి చదవాలో రాసిచ్చారు. అందుకే ఆయన ఎక్కడా వై.ఎస్. విషయంలో రాజీపడనంటూ మరీ సీరియస్ గా క్షమాపణ చెప్పకుండా రాసుకు వచ్చిన ప్రకటనను చదివి ఊరుకున్నారు.దీనిలో రాజశేఖరరెడ్డి కోసం తమ్ముడు పోరాడుతున్నట్లు ఉపన్యాసం సాగింది.అంతేకాక అన్న ఏమన్నా అంటే ఊరుకోనని కూడా మళ్లీ హచ్చరించే అవకాశం ఉండవల్లి తయారు చేసిన లేఖ ద్వారా కలిగింది. అసలు వివేకానందరెడ్డి ఆవేశపడిన తర్వాత రాజీనామా చేయడానికి సిద్దపడినప్పటికీ ఆసక్తికర పరిణామాల నేపధ్యంలో తన రాజీనామా లేఖను జెబులోనో ఉంచేసుకున్నారని ఎమ్మెల్యేలు చెబుతున్నారు. సోమవారంనాడు ఉదయం శాసనసభలో టిడిపి ఎమ్మెల్యేలపై దాడి చేసిన తర్వాత ఆయన నేరుగా ముఖ్యమంత్రి కిరణ్ ఛాంబర్ లోకి వెళ్లారు. అక్కడ అవసరమైతే రాజీనామా చేస్తానని అన్నారు. అయితే వివేకానంద రెడ్డి బిపితో ఉన్నారని అర్ధం చేసుకున్న ముఖ్యమంత్రి డాక్టర్లను పిలిపించి చికిత్స చేయించారు. సభలో జరిగిన హడావుడిలో వివేకా కాలికి కూడా చిన్న గాయం అయింది. ముఖ్యమంత్రిని కలిసిన తర్వాత ఆయన మంత్రి వట్టి వసంతకుమార్ , ఎమ్.పి ఉండవల్లి అరుణకుమార్ లతో కాసేపు సమావేశం అయ్యారు.తదనంతరం వివేకా తన ఛాంబర్ లోకి వెళ్లి పోయి సుమారు రెండు గంటల సేపు విశ్రాంతి తీసుకున్నారు.అనంతరం ఒక జేబులో రాజీనామాల లేఖను కూడా సిద్దం చేసుకుని, మరో జేబులో శాసనసభలో చేయదలిచిన ప్రకటన ప్రతిని కూడా పెట్టుకుని బయటకు వచ్చారు.అయితే అంతలో ఫ్లోర్ లీడర్లు రాజీనామాకు అంతగా పట్టుబట్టడంలేదని, రాజీనామాకు తొందరపడనవసరం లేదని కాంగ్రెస్ ఎమ్మెల్యేలు చెబితే ఆయన రాజీనామా లేఖను బయటకు తీయకుండా విచారం వ్యక్తం చేసే ప్రకటనను మాత్ర చదివి సభలో కూర్చున్నారు. మొత్తం మీద విపక్షాలు గట్టి పట్టు పట్టకపోవడం వల్లనే వివేకానందరెడ్డి రాజీనామా చేయాల్సిన అవసరం లేకుండా పోయిందా?

By: kommineni