భానుకి కళ్యాణ్ ట‌చ్‌లోనే ఉన్నాడు..!
సి. కళ్యాణ్, సినీ నిర్మాత‌గా అంద‌రికీ తెలిసిందే.. చిన్న నిర్మాత‌గా ప్రారంభ‌మ‌యిన ఆయ‌న కెరీర్ పెద్ద పెద్ద చిత్రాల‌ను తీసే స్థాయికి ఎదిగారు. ఆయ‌న ఎదుగుద‌ల కొంద‌రికీ ఆశ్చ‌ర్యాన్ని క‌లిగించింది. మ‌రి కొంద‌రికి అవ‌మానాన్ని క‌లిగించింది. అయితే సినిమా నిర్మాత‌గా, ఫైనాన్సియ‌ర్‌గా అదృష్టం వ‌రిస్తే ఎంత‌యినా ఎదిగే ఛాన్స్ ఈ ఫీల్డ్‌లో ఉన్నాయి కాబ‌ట్టి ఆయ‌న‌కి, మాఫియాకి లింక్ ఉంద‌న్న కోణంలో ఎవ‌రూ ఆలోచించ‌లేదు. అయితే అనూహ్యంగా సూరి హ‌త్య కేసులో ప్ర‌ధాన నిందితుడ‌యిన భానుకి, క‌ళ్యాణ్‌కి చాలా ద‌గ్గ‌రి సంబంధా లున్నాయ‌ని తెలిసిన టాలీవుడ్ జ‌నం విస్తుపోయారు. ఆయ‌న ఎదుగుద‌ల వెనుక భాను ప్ర‌ధాన పాత్ర పోషించాడ‌ని, కొన్ని భూ సెటిల్‌మెంట్ల‌లో భాను స‌హాయంతో కోట్లాది రూపాయ‌ల‌ని కళ్యాణ్ వెన‌కేసు కున్నాడ‌ని సాక్ష్యాధారాల‌తో స‌హా దొర‌క‌డం, అలాగే కొంద‌రు సినిమా వాళ్ల‌ని కూడా భానుతో బిదిరించ‌డం లాంటి ఆరోప‌ణ‌ల‌తో క‌ళ్యాణ్‌ని పోలీసులు అరెస్ట్ చేశారు. అయితే క‌ళ్యాణ్‌కి, భానుకి ప్ర‌తి రోజూ కాంటాక్ట్ జ‌రుగుతుంద‌ని.. కళ్యాణ్ భాను అక్కౌంట్లోకి డ‌బ్బులు కూడా ఆన్‌లైన్ ద్వారా పంపించాడ‌ని తెలియ‌డంతో క‌ళ్యాణ్‌పై ఉచ్చు మరింత బిగుసుకుంటుంది.. కళ్యాణ్ ద్వారా భాను ఆచూకి దొరికే అవ‌కాశాలు ఉండ‌డంతో క‌ళ్యాణ్‌ని త‌మ చేతిలోనుండి జారిపోకుండా అన్ని జాగ్ర‌త్త‌లూ తీసుకుంటున్నారు పోలీసులు. కళ్యాణ్ లాగానే మ‌రో ప్ర‌ముఖ (?) నిర్మాత సింగ‌న‌మ‌ల ర‌మేష్ కూడా పోలీసు క‌స్ట‌డిలో ఉండ‌డం తెలిసిందే..మ‌రి వీరిద్ద‌రి భ‌విష్య‌త్తు ఏమిట‌న్న‌ది తెలియాలంటే మ‌రి కొద్ది రోజులు ఆగాల్సిందే..!
కామెంట్‌లు
కామెంట్‌ను పోస్ట్ చేయండి