ద‌డ పుట్టించేందుకు సిద్ద‌మ‌వుతున్న నాగ‌చైత‌న్య‌

నాగచైతన్య, కాజల్ కాంబినేషన్ లో అజయ్ భుయాన్ దర్శ కత్వంలో ‘దడ’ అనే చిత్రం రూపొందిస్తున్న సంగతి తెలిసిందే. ఇందులో నాగ‌చైత‌న్య ప‌క్కా మాస్ క్యారెక్ట‌ర్‌ని పోషిస్తున్నాడు.. కాలేజీలో బుద్దిగా చ‌దువుకుంటూ పుస్తకాల పురుగు అనిపించుకోవడం కంటే, వ్యవస్ధలోని పురుగులని ఏరివేసి, చదువు పేరు తో వెర్రి వేషాలు వేసే వారందరికి దడ పుట్టించే సత్తా ఉన్నవాడుగా నాగ‌చైత‌న్య క‌నిపిస్తాడు.. ఈ చిత్రానికి దేవి శ్రీ ప్రసాద్ సంగీతం ఆంధిస్తున్నాడు. పక్కా మాస్ ఎంటర్టైనర్ గా ఈ చిత్రాన్ని రూపొందిస్తున్నారు. ఈ చిత్రంలో నాగచైతన్య అన్నగా తమిళ హీరో శ్రీరామ్ కనిపించనున్నాడు. ఇక బ్యాంకాక్ బ్యాక్ డ్రాప్ తో రూపొందే ఈ చిత్రానికి కెమెరాని జ్ఞాన శేఖర్(వేదం ఫేమ్) అందించనున్నారు. బొమ్మరిల్లు చిత్రానికి మాటలు రాసిన అబ్బూరి రవి ఈ చిత్రానికి డైలాగులు అందిస్తున్నారు. ఈ చిత్రాన్ని శివప్రసాద్ రెడ్డి తమ కామాక్షి మూవీస్ ఎంటర్టైనర్ పతాకంపై రూపొందిస్తున్నారు.