<iframe src="http://ads.atomex.net/cgi-bin/adserver.fcgi/ad?section=3623&width=468&height=60&type=iframe&clickTag=" height="60" width="468" scrolling="no" marginwidth="0" marginheight="0" frameborder="0" ></iframe> అనంత పద్మనాభస్వామి ఆలయ నేలమాళిగలో అపార నిధినిక్షేపాలు దొరకడంతో ఇప్పుడు అందరి కళ్లు అటే పడ్డాయి. తరగని సంపద ఉన్నదని సంతృప్తి చెందుతున్నా మేకానీ, అదంతా ఎలా వచ్చిందో ఆలోచించడంలేదు. అనేక యుద్ధాలు, రక్తపాతాలు, పసిగుడ్డు తల్లుల శాపనార్ధాల ఫలితంగా కూడా సంపద ఈ నేలమాళిగలో పోగయింది. ఈ మాట గట్టిగా అంటే, నేనేదో హేతువాదిననో, దేవుడికి తీరని అన్యాయం చేస్తున్నాననో అనుకోవచ్చు. అలాంటి ఉద్దేశాలు, ఇమేజ్ లు నాకు లేవు. ఉన్నదల్లా, వాస్తవాన్ని వెలుగులోకి తీసుకురావలన్న తపనమాత్రమే. ఇప్పటికే రెండు పార్ట్స్ చదివే ఉంటారు.
ల‌క్షల‌కోట్ల రూపాయ‌ల సంపద బ‌య‌ట‌ప‌డిన కేర‌ళ, తిరువ‌నంత‌పురంలోని అనంత పద్మనాభస్వామి ఆలయ స‌మీపంలో భారీ అగ్నిప్రమాదం సంభ‌వించింది. ఆలయ స‌మీపంలో ఉన్న దుకాణాల‌లో ఈ ఘ‌ట‌న చోటు చేసుకుంది. ఉవ్వెత్తున ఎగిసిన మంట‌లు, భారీ పేలుళ్ళ శ‌బ్దాల‌తో ఆలయ ప్రదేశం ద‌ద్దరిల్లింది. ఈ ఆల‌యం నుండి ల‌క్షల కోట్ల నిధి బ‌య‌ట‌ప‌డి ప్రపంచం దృష్టిని ఆక‌ర్షించిన విష‌యం తెలిసింది. ఆల‌యంలోని 5 నేల‌మాళిగ‌ల‌లోనుండి ఈ నిధి బ‌య‌టికి తీసారు. అయితే ఆర‌వ నేల‌మాళిగ‌ను తెరవడానికి ప్రయ‌త్నించినా ఆ నేల‌మాళిగ‌కు నాగ‌బంధ‌నం ఉంద‌న్న తెలుసుకుని దానిని తెరిచే ప్రయ‌త్నం విర‌మించుకున్నారు. మ‌రో ప్రక్క ఆ 6వ నేల‌మాళిగ‌ను ప‌రిశీలించ‌డానికి సోమ‌వారం నాడు నిపుణుల బృందం ఆల‌యానికి రాబోతున్నారు. ఈ సంద‌ర్భంలో ఈ ఘ‌ట‌న జ‌ర‌గ‌డం అంద‌రినీ తీవ్ర ఆశ్చర్యానికి గురిచేస్తుంది. ఈ సంఘ‌ట‌న వెనుక కార‌ణం ఏమై ఉంటుంద‌న్నదాని గురించి చ‌ర్చలు మొద‌ల‌య్యాయి. 6వ నేల‌మాళిగ‌ని తెరిస్తే అరిష్టం అని, దాన్ని తెరిచే ఆలోచ‌న విర‌మించుకోవాల‌ని కొంద‌రు చెప్పిన‌ప్పటికీ దాన్ని తెరవడానికి చేస్తున్న ప్రయ‌త్నం కార‌ణంగానే ఈ సంఘ‌ట‌న జ‌రిగిందా..? అన్న అనుమానాలు కూడా క‌లుగుతున్నాయి. ఈ విష‌యం తెలిసిన వెంట‌నే సంఘ‌ట‌నా స్థలానికి డిజిపి, ఎస్‌.పి. జిల్లా క‌లెక్టరు హుటాహుటిన బ‌యల్దేరారు. అయితే ప‌ద్మనాభ స్వామి ఆల‌యంలో ఉన్న ల‌క్షల‌కోట్ల నిధికి ఎలాంటి ఆప‌దా లేద‌ని అధికారులు స్పష్టం చేస్తున్నప్పటికీ.. ఈ పేలుళ్ళ వెనుక ఆ నిధిని కొల్లగొట్టడానికి ఎవ‌రైనా చేసిన ప్రయ‌త్నం ఉందేమో అన్న అనుమానాలు కూడా వినిపిస్తున్నాయి.
కామెంట్‌లు
కామెంట్‌ను పోస్ట్ చేయండి