మరణంలో రకాలు...(మరణ రహస్యం పార్ట్ -2)

మరణంలో రకాలు ఉంటాయా...?
కాలమరణం అంటే ఏమిటి...?
అకాల మరణం అని దేన్ని అనవచ్చు...?
ఈ రెంటి మధ్య మరో మరణం చోటుచేసుకున్నదా....?
దాన్నే తాత్కాలిక మరణం అని పిలుస్తున్నారా?
బాబాలు, యోగులు ఈ స్థితిని అనుభవంలోకి తెచ్చుకున్నారా?
 మరణం రెండు రకాలుగా ఉంటుంది. అందులో ఒకటి `కాల మరణం'. అంటే, ప్రతి జీవి బతికిఉండే కాలం నిర్ధుష్టంగా ఉంటుంది. దీన్ని ప్రకృతి శాసిస్తుంటుంది. ఈ కాలచక్రంలోనే ప్రతి జీవి పుట్టి, పెరిగి చివరకు గిడుతుంటాడు. అందుకే సహజమరణం పొందినవారిని `కాలధర్మం' చెందారని అంటుంటారు.
 కాల మరణం ఉన్నట్టుగానే, అకాల మరణం కూడా ఉంటుంది. ప్రతిజీవి ప్రకృతి నిర్దారించిన కాలమంతా బతికి ఉండాలన్న గ్యారెంటీలేదు. అనేక ప్రమాదాలు,  రోగాలు,రొచ్చుల కారణంగా జీవుడు అకాలమరణం పొందుతున్నాడు.

 ఈ రెండు రకాల మరణాల మధ్య మూడోరకం మరణం ఒకటి ఉంది. వినడానికి ఆశ్చర్యంగానే ఉండవచ్చు. కానీ, ఇది పచ్చినిజం. ఈ మూడోరకం మరణాన్నే తాత్కాలిక మరణం అంటున్నారు. ఈ మధ్యకాలంలో కొత్తగా పుట్టుకొచ్చిన పదం ఇది. అయితే, పదం కొత్తగా పుట్టుకొచ్చినా, దీని అనుభవం మాత్రం చాలా పాతదే. కాలగమనంలో అనేక మంది తాత్కాలిక మరణం అనుభూతిపొందారు. ఇది నిజం.
 ఈ తరంవారికి తాత్కాలిక మరణం గురించి తెలియకపోవచ్చు. కానీ, అలాంటిది ఏదీ లేదని కొట్టిపారేయలేం. ఎందుకంటే, గతంలో అనేక దుష్టాంతాలు ఈ వాదనకు బలం చేకూరుస్తున్నాయి.
(మనిషి తాత్కాలిక మరణం పొందడమే నిజమైతే, మరి తాత్కాలిక మరణ లక్షణాలు ఏమిటీ, అప్పుడు జీవుని స్థితి ఎలా ఉంటుంది...?- ఆ వివరాలు తరువాయి భాగంలో...)

- తుర్లపాటి నాగభూషణ రావు
   9885292208