ఖైర‌తాబాద్ గ‌ణేశుడికి గ‌వ‌ర్న‌ర్ పూజ‌లు

ఖైరతాబాద్ వినాయకుడిని రాష్ట్ర గవర్నర్ నరసింహన్ దర్శించుకుని పూజలు చేశారు. ఈ సందర్భంగా రాష్ట్ర మంత్రి దానం నాగేందర్ స్వాగతం పలికారు. విఘ్నేశ్వరుడు రాష్ట్రాన్ని అన్ని విఘ్నాలు తొలగించి ముందుకు తీసుకువెళ్లాలని కోరుకుంటున్నానని నరసింహన్ అన్నారు. విఘ్నేశ్వరుడు అందరిని కాపాడాలని ప్రార్ధిస్తున్నానని తెలుగులో ప్రసంగించారు. సికింద్రాబాద్ ఎమ్.పి అంజన్ కుమార్ యాదవ్ మాట్లాడుతూ నరసింహన్ ప్రజలందరిని దీవించారని కృతజ్ఞతుల తెలిపారు. ఖైరతాబాద్ లో ప్రతి సంవత్సరం ప్రతిష్టాత్మకంగా వినాయక ్ప్రతిష్ట చేస్తారు. నిమజ్జనం వరకు అక్కడ భారీగా భక్తులు తరలివచ్చి పూజలు చేసుకుంటారు. ఆ తర్వాత నిమజ్జనంలో ఈ గణేషుడికి ప్రత్యేకత ఉంటుంది.హైదరాబాద్ లో గణేషుడు అంటే ఖైరతాబాద్ గణేషుడే అని ప్రజలంతా భావిస్తారు.