వైఎస్సార్ అల్లుడి గుప్పెట్లో వందలకోట్లు !

2009 అక్టోబర్ లో   `కూలింది కుట్రతోనే-’ అంటూ వైఎస్సార్ తనయుడు జగన్ గతంలో తన పత్రిక సాక్షి ద్వారా అనేక  అనుమానాలు వ్యక్తం చేశారు. ఇప్పుడు రాష్ట్ర కేబినెట్ తీగలాగి డొంకంతా కదిలించాలని చూస్తోంది. పైగా, జగన్ ఇప్పుడు సీబీఐ విచారణలో పీకలలోతులో మునిగిపోయారు. ఎఫ్.ఐ.ఆర్ కూడా తయారైంది. ఈ ఆర్థిక ఊబితోపాటుగా, కుటుంబం యావత్తు సంపాదించిన ఆస్థిపాస్తుల వివరాలను కూపీ లాగే ప్రయత్నం కూడా వైరి వర్గాలు చేస్తున్నాయి. ఈ నేపథ్యంలో వైఎస్సార్ అల్లుడి గుప్పెట్లో వందలాది కోట్లు ఉన్నాయంటూ గుసగుసలు వినబడుతున్నాయి. ఆ వివరాలు…

* వైఎస్సార్ ముఖ్యమంత్రిగా ఉన్నప్పుడు తన కుమారుడు జగన్ కు ఇచ్చింది ఇవ్వగా కోట్లాది రూపాయలను అల్లుడు బ్రదర్ అనిల్ కు ఇచ్చారు.

* వైఎస్సార్ కొన్ని విషయాల్లో అల్లుడి మాటలనే విశ్వసించేవారు. ఆ సమయంలో జగన్ మాట వినేవారు కారు.

* వ్యాపార వ్యవహారాల్లో జగన్ కు మద్దతు ఇచ్చినా, రాజకీయ ఎత్తుగడల విషయంలో తండ్రీకొడుకుల మధ్య తేడాలు వచ్చేవి. అలాంటి సమయాల్లోనే అల్లుడు అనిల్ దగ్గరయ్యేవారు.

* ప్రియమిత్రుడు కేవీపీ, అల్లుడు అనిల్ చెప్పిన మాటలు వినడంతో వైఎస్సార్ తన కుమారుడు జగన్ కు కొన్ని సందర్బాల్లో దూరం అయ్యారు.

* మతపరమైన వ్యవహారాలు నడపడంలో దిట్ట అయిన బ్రదర్అనిల్ మామగారిని ఇట్టే ఆకర్షించుకున్నారు.

* వందలాది కోట్లు బ్రదర్ అనిల్ తన గుప్పెట్లో పెట్టుకున్నారు.

* వైఎస్సార్ దుర్మరణంతో ఆ ఇంట్లో ఒక్కసారిగా `శూన్యత’ ఆవరించింది. (ఇది రాజకీయ శూన్యత కాదు. ఆర్థిక వ్యవహారాలకు సంబంధించిన శూన్యత)

* ఆ శూన్యత నుంచి విభేదాల చిచ్చు రగులుకుంది. అది చివరకు బావ, బావమరిదిల మధ్య అఘాతాలు సృష్టిస్తోంది.

* తండ్రి అప్పగించిన వందలాది కోట్లు ఇవ్వమంటూ జగన్ ఒత్తిడి తెచ్చారు. కేవీపీ చేత మధ్యవర్తిత్వం చేయించారు.

* కేవీపీ సౌమ్యంగా సాగించిన మధ్యవర్తిత్వం నచ్చకపోవడంతో జగన్ ఆ పెద్దాయన్ని కూడా పక్కనపెట్టారు.

* కుటంబవ్యవహారాలు చక్కదిద్దడానికి జగన్ ఇప్పుడు ఒంటరి పోరాటానికి దిగారు.

* తండ్రి మరణంతో తలెత్తిన ఈ ఆర్థిక సమస్యనుంచి ఎలా బయటపడాలా అని జగన్ తీవ్రంగా ఆలోచిస్తున్నారు.

- ఎన్నార్టీ