వినాయక పత్రి – ఆరోగ్య రహస్యం

వినాయక చవతినాడు 21వ పత్రితో పూజచేయాలి. అయితే, ఇక్కడ ఒక విషయం గ్రహించాలి. గణపతికి ఏ పత్రాలు ఇష్టమో వాటితోనే పూజించాలేకానీ, ఏ ఆకులు, కొమ్మలు దొరికితే, వాటితో పూజించకూడదు. ఎందుకంటే, ఏనుగులు ఆకులు తింటాయి …. నిజమే. కానీ కొన్ని ఆకులు ముట్టుకోవు. వాటితో పూజిస్తే, వినాయకునికి సంతోషం కలగదు సరికదా… కోపం వస్తుంది. అందుకే, 5amnews.com మీకోసం బొజ్జ గణపయ్యకు ఏ పత్రి ఇష్టమో వాటి గురించీ, వాటిలోని ఆరోగ్య రహస్యం గురించి అందజేస్తున్నది. మరి మీరూ చదవండి…

ఏకవింశతి అంటే 21 రకాలు అన్నమాట.వీటి గురించి తెలుసుకుందాం. అంతేకాదు, ఈ పత్రితోనే పూజను సరిపెట్టుకోవాలి. ఆ విషయం మరిచిపోకండి…

1. బృహతి పత్రం (వాకుడు ఆకు) :- ఇది ఉబ్బసాన్ని తగ్గిస్తుంది.

2. మాచి పత్రం (ధవనం):- ఒతిడిని తగ్గించి మానసిక ఉల్లాసాన్ని ఇస్తుంది.

3. బిల్వపత్రం (మారేడు ఆకు) :- మధు మేహం,విరేచనాలకు విరుగుడుగా పని చేస్తుంది.

4. దూర్వ పత్రం (గరికె గడ్డి) :- రోగ నిరోధకంగా పని చేస్తుంది.

5. దత్తుర పత్రం (ఉమ్మేత):- ఊపిరితితులను వ్యకోచింపచేసి ఉబ్బసం తగ్గేలా చేస్తుంది.

6. బదరి పత్రం (రేగు ఆకు):- చర్మ వ్యాధులకు మంచి విరుగుడు.

7. తుర్యా పత్రం(తులసి):- శరీరంలో ఉష్ణాన్ని నియమ్త్రిస్తుంది. అందుకే ప్రతి ఇంట్లో తులసి చెట్టు ఉండాలి. ఆ గాలికి జలుబు,దగ్గు వంటివి దరి చేరవు.

8. అపామార్గ పత్రం(ఉత్తరేణి): దగ్గు ,ఉబ్బసంకి బాగా పని చేస్తుంది.

9. చూత పత్రం(మామిడి ఆకు):- నోటి దుర్వాసన,చిగుళ్ళ వాపు వంటి సమస్యల నుంచి ఉపసమనం ఇస్తుంది.

10. జాజి పత్రం(జాజి ఆకు):- చర్మ రోగాలు,స్త్రీ సంభంద వ్యాధులకు మంచిది.

11. గండకి పత్రం(అడవి మొల్ల యుధిక):- అతిమూత్ర సమస్యనుంచి ఉపసమనం ఇస్తుంది.

12. అశ్వత పత్రం(రావి ఆకు): చాల ఓషధగుణాలు ఉన్నాయి.

13. అర్జున పత్రం(మద్ది ఆకూ):- రక్త స్తంభనం,గుండె ఆరోగ్యానికి ఇది చాల సహాయకారి.

14. అర్క పత్రం(జిల్లేడు ఆకూ) :- నరాల బలహీనత ఉన్నవరికిది దివ్య ఒషధం.చర్మ వ్యాధులను నివారిస్తుంది.

15. విష్ణు క్రాంతం(పొద్దు తిరుగుడు):- దీనిపై జరిగిన ఎన్నో పరిశోధనలు చెబుతున్న దేమిటంటే ఇది మంచి స్కిన్ కేర్ మందుగా పనిచేస్తుంది.

16. దాడిమ పత్రం(దానిమ్మ ఆకూ):- వాంతులు,విరేచనాలు,అరికడుతుంది.శరీరంలో ఉన్నా హానికారక క్రిములను నాశనం చేస్తుంది.

17. దేవదారు(దేవదారు):- శరీర వేడిని తగ్గిస్తుంది.

18. మరువాకం(మరువం):- మానసిక ఒత్తిడిని తగ్గిస్తుంది.

19. సింధువార పత్రం(వావిలాకు):- కీల్లనోప్పులకు మంచి మందు.

20. శమీ పత్రం(జామ్మీ చెట్టు):- నోటి వ్యాధులను తగ్గిస్తుంది.

21. కరవీర పత్రం(గన్నేరు):- గడ్డలు,పుల్లు తగ్గటానికి దీని వేరు,బెరడు వాడతారు.

తనకిష్టమైన ఈ ఇరువది ఒక్క పత్రాలతో పూజించడం వల్ల ఆరోగ్య రహస్యాలు తెలుసుకుంటారన్నదే గణనాధుడు వినాయక వ్రతం ద్వారా మనకిదిస్తున్న దివ్య ఆరోగ్య సందేశం.

- ఎన్.ఆర్. తుర్లపాటి