ప‌ట్టు వీడిన రాంగోపాల్ వ‌ర్మ

ఎట్టకేలకు విజయవాడవాసుల డిమాండ్ కు ప్రముఖ దర్శకుడు రాంగోపాల్ వర్మ తలొగ్గారు. బెజవాడలోని రౌడీల కథాంశంతో తెరకెక్కిస్తున్న బెజవాడ రౌడీలు సినిమా పేరుమార్పునకు అంగీకరించారు. ఈ సినిమా పేరు మార్చాలని కొన్ని నెలలుగా విజయవాడ నగర ప్రజలు ఆందోళనలు నిర్వహించారు. పేరు మార్చనిదే అక్కడ సినిమా షూటింగ్ కూడా జరగనివ్వకుండా చేయగలిగారు. దీంతో వారికి అక్కడి రాజకీయనేతలు కూడా వంతపాడాల్సి వచ్చింది. వారి కోరిక మేరకు బెజవాడరౌడీలు పేరు కాస్త బెజవాడగా మారింది. ఇక సినిమా స్టోరీపై ఎలాంటి ఊహాగానాలు వస్తాయో లేక సినిమా రిలీజయ్యాక అక్కడ ప్రజల రియాక్షన్ ఎలా ఉంటుందో చూడాలి.