రేపో మాపో పెట్రోల్ ధర పెంపు

రూపాయి మారకం విలువ మరింతగా దిగజారడంతో దాని ప్రభావం పెట్రో ఉత్పత్తులపై నేరుగా పడబోతున్నది. అమెరికా డాలర్ తో పోలిస్తే ఇప్పటికే రూపాయి విలువ కనిష్ట స్థాయికి చేరుకుంది. అమెరికా డాలర్  రూ. 53.75 పలుకుతోంది. దీంతో డాలర్లు కొనేవారి సంఖ్య పెరిగిపోతోంది. మరో పక్క చమురు దిగుమతి దారుల గుండెల్లో రైళ్లు పరిగెడుతున్నాయి. మనదేశంలో లీటర్ పెట్రోల్ ధర 65 పైసలు పెరిగే అవకాశాలున్నాయి. నేరుగా చమురు కంపెనీలు లీటర్ కు 55 పైసలు, లేదా 56 పైసలు పెంచొచ్చు. అయితే, స్థానిక సుంకాలు కలుపుకుంటే ఇది 65 పైసలకు పెరుగుతుందని అంచనావేస్తున్నారు.