జ‌క్కన్న చండ‌శాస‌నుడు

దర్శకుడు రాజమౌళి చండశాసనుడు అంటూ అక్కినేని నాగార్జున సర్టిఫై ఇచ్చాడు. రాజమౌళి కుర్రాడు కాబట్టి చాలా చురుగ్గా ‘రాజన్న’లో సన్నివేశాల్ని తీశాడు అంటూ ఆయన్ను మెచ్చుకున్నాడు. ‘రాజన్న’ చిత్రం సక్సెస్‌మీట్‌ ఆదివారం రాత్రి మాదాపూర్‌లో ‘ఎన్‌’ కన్‌వెన్షన్‌ సెంటర్‌లో జరిగింది. ఈ సందర్భంగా ఆయన మాట్లాడారు.
రాజన్న కథను విజయేంద్రప్రసాద్‌ చాలా కష్టపడి ప్రణాళికప్రకారం జరిపారు. 70 సంవత్సరాల ఏజ్‌లో చాలా చురుగ్గా పనిచేశారు. చాలా ఆశ్చర్యపోయాను. రాజమౌళి అయితే.. తననుకున్నది వచ్చేదాకా ఎవ్వరినీ వదలేదు. చండశాసనుడులాంటివాడు. అలాగే నా మేనకోడలు సుప్రియను చాలా ఇబ్బందిపెట్టాను.. నిర్మాతగా ఆమె ఖర్చుకు వెనుకాడకుండా నిర్మించింది అన్నారు.
ఆ తర్వాత రాజమౌళి మాట్లాడుతూ… తెలుగులో ఒకప్పటి సావిత్రి, సూర్యకాంతంలాంటి నటీమణులు నేడు లేరేమో అనుకున్నాను. కానీ ఇప్పుడు బాలనటి యాని రూపంలో వచ్చింది. రాజన్నలో ఆమె నటించిన తీరు అబ్బురపర్చింది. ఇకపోతే… నేను ఈ సినిమాలో రెండు ఫైట్లకు దర్శకత్వం వహించాను. కానీ అంతా రాజమౌళి ముద్ర ఉందని అన్నారు. నేను ఆయన కొడుకును. ఆయన నాకంటే ముందు దర్శకుడు అవ్వాల్సింది. కానీ అవకాశం నాకు ముందు వచ్చింది. అందుకే ఆయన నాకు స్ఫూర్తి‌… ఆయన ముద్రే నాపై ఉంది అన్నారు.