అమెరికాలో భారీ వర్షం..
అమెరికాలోని పలు రాష్ట్రాలలో భారీ వర్షాలు కురుస్తున్నాయి. నార్త్ కరోలినాలో నలుగురు మృతి చెందారు. అమెరికా తూర్పు తీరాన్ని ఐరిన్ హరికెన్ వణికిస్తోంది. వాషింగ్టన్, నార్త్ వర్జీనియా, న్యూజెర్సీ, మేరీల్యాండ్, నార్త్ కరోలినాలలో భారీ వర్షం కురుస్తోంది. ఈ కారణంగా ఏడు వేల విమానాలను రద్దు చేశారు. రోడ్లు, సబ్ వేలు, రైల్వేలను మూసివేశారు. 9 రాష్ట్రాలలో అత్యవసరప పరిస్థితిని విధించారు. న్యూజెర్సీ, న్యూయార్క్ లలో ఈ రోజు భారీ వర్షాలు పడే అవకాశం ఉన్నట్లు వాతావరణ శాస్త్రవేత్తలు చెప్పారు. న్యూజెర్సీ తీర ప్రాంతవాసులను సురక్షిత ప్రాంతాలకు తరలిస్తున్నారు. ప్రజలను సురక్షిత ప్రాంతాలకు వెళ్లమని ఆ రాష్ట్ర గవర్నర్ హెచ్చరించారు.