సదానంద గౌడ కర్ణాటక కొత్త సీఎం
కర్ణాటక కొత్త ముఖ్యమంత్రిగా సదానందగౌడ ఎంపికయ్యారు. ర‌క‌ర‌కాల మ‌లుపులు, ఒత్తిడులు, గ్రూపు రాజ‌కీయాలు వెర‌సి గ‌త కొంత‌కాలంగా క‌ర్నాట‌క‌లో జ‌రుగుతున్న రాజ‌కీయ డ్రామా ఓ కొలిక్కి వ‌చ్చింది. మైనింగ్ కుంభ‌కోణం కార‌ణంగా త‌న ప‌ద‌వికి రాజీనామా చేసిన య‌డ్యూర‌ప్ప మొత్తానికి త‌న అనుచ‌రుడు సదానంద గౌడ‌నే ముఖ్యమంత్రిగా చేసుకుని తాను ఓడిపోయినా త‌న మాట‌ని మాత్రం గెలిపించుకున్నాడు. నేడు ఉద‌యం నుండి ఎంతో ఉత్కంట‌త‌తో కూడిన ఈ ముఖ్య‌మంత్రి ఎంపిక క్యాపిటల్‌ హోటల్‌లో జ‌రిగింది. పార్టీ ఆధ్వర్యంలో జరిగిన రహస్య ఓటింగ్‌లో సదానంద గౌడ ఎక్కువ ఓట్లు సాధించారు. త‌న ప్ర‌త్య‌ర్థి అయిన జ‌గ‌దీష్ షెట్ట‌ర్‌పై ఆరు ఓట్లు ఎక్కువ‌గా సాధించాడు. దీంతో ఆయన సీఎంగా ఎంపికయ్యారు.