ఆ రెండింటిని కలిపితే పరిష్కారం దొరుకుతుందా..?
తెలంగాణ సమస్యకు ఎలాగొలా ఒక పరిష్కారం కనుగొనాలని తెలంగాణ రాష్ట్ర సమితి నేతలు కూడా భావిస్తున్నారు. అయితే వారు పూర్తిగా బయటపకుండా కొన్ని రాజీమార్గాలను అన్వేషిస్తున్నట్లు తెలిసింది. ఒకపక్క కేంద్రం ప్రభుత్వంలోని కాంగ్రెస్ ప్రముఖులతో సంప్రదింపులు జరుపుతూనే మరో పక్క ఉద్యమం కొనసాగించే వ్యూహాన్ని అమలు చేస్తున్న తెలంగాణ రాష్ట్ర సమితిలోని కొందరు ముఖ్య నాయకులలో ఒక ఆలోచన వచ్చినట్లు తెలుస్తోంది. తెలంగాణలోని పది జిల్లాలతోపాటు రాయలసీమకు చెందిన కర్నూలు, అనంతపురం జిల్లాలను కూడా తెలంగాణకు కలుపుకుంటే ఈ సమస్య కొంతవరకు పరిష్కారం అవుతుందా అన్న ఆలోచన చేస్తున్నారు. తెలంగాణ ఏర్పాటును బాగా వ్యతిరేకిస్తున్నది ఆ రెండు జిల్లాల ప్రజలు, నాయకులన్నది ఒక అభిప్రాయం. ఎందుకంటే సీమాంధ్ర రాష్ట్రం ఏర్పడితే కర్నూలు, అనంతపురం జిల్లాలకు సీమ జిల్లాలు బాగా దూరంగా ఉంటాయి. రాజధాని నగరం కోస్తాలో ఎక్కడ ఏర్పాటైనా ఈ రెండు జిల్లాలు ఒక మూలగా ఉంటాయి. అలాగని ఆంధ్ర కు రాజధానిగా ఉన్న కర్నూలు ను రాజధానిగా ఎంపిక చేస్తే మిగిలిన సీమాంధ్రకు ...
