సెంచరీ.. డబుల్ సెంచరీ.. ట్రిబుల్ సెంచరీ..
ఇది మూడు ముచ్చటగా మూడు మ్యాచుల్లో నమోదు అయిన స్కోరు అనుకునేరు.. కాదు.. సిడ్నీలో జరుగుతున్న రెండో టెస్ట్ లో ఆస్ట్రేలియా కెప్టెన్ మైకెల్ క్లార్క్ తొలి ట్రిపుల్ సెంచరీ చేశాడు. క్లార్క్ కెరీర్ లో ఇదే తొలి ట్రిపుల్ సెంచరీ. ట్రిపుల్ సెంచరీ సాధించిన ఆసీస్ బ్యాట్స్మెన్ జాబితాలో ఏడో ప్లేయర్గా క్లార్క్ నమోదయ్యాడు. క్లార్క్ 38 ఫోర్లు, ఒక సిక్సర్తో 314 రన్స్ చేసి అజేయంగా నిలిస్తే, మైక్ హసీ 14 ఫోర్లు, ఒక సిక్సర్తో 121 పరుగులు చేశాడు. ఆస్ట్రేలియా మొదటి ఇన్నింగ్స్లో 4 వికెట్ల నష్టానికి 615 పరుగుల భారీ స్కోరు చేసింది. దాంతో ఇండియాపై 421 రన్స్ కీలక ఆధిక్యం ఆసీస్కు దక్కింది. కాగా భారీ స్కోరు ఛేధించడానికి బరిలోకి దిగిన టీమిండియా సెహ్వాగ్ (4) రూపంలో భారీ వికెట్ని కోల్పోయింది. దీంతో విజయం మాట దేవుడెరుగు.. డ్రా దిశగా అయినా మన బ్యాట్స్మెన్ కసరత్తు చేయాల్సిన పరిస్థితి ఏర్పడింది.