3డి సినిమాలో అల్లరి నరేష్
కామెడీ చిత్రాల హీరోగా పేరు సంపాదించుకున్న అల్లరి నరేష్ త్వరలో ఓ 3డి చిత్రంలో నటించనున్నారు. భారీ బడ్జెట్తో రూపొందబోయే ఈ చిత్రాన్ని ఎ.కె. ఎంటర్టైన్మెంట్స్ పతాకంపై బిందాస్, అహ నా పెళ్లంట చిత్రాలను నిర్మించి, ఇటీవల విడుదలైన ‘దూకుడు’కి ఓ నిర్మాతగా వ్యవహరించిన అనిల్ సుంకర నిర్మిస్తున్నట్టు సమాచారం.పక్కా సోషల్ మూవీగా ఈ చిత్రాన్ని తెరకెక్కిస్తున్నారు. ఇందులో నలుగురు హీరోలుంటారు. ఆ నలుగురిలో అల్లరి నరేష్ ప్రధాన భూమిక పోషించనున్నారు. భారీ బడ్జెట్తో రూపొందనున్న ఈ చిత్రాన్ని వచ్చే ఏడాది వేసవికి విడుదల చేయాలనుకుంటున్నారు. ఇందుకోసం మంచి కథ సిద్ధం చేశామని, నిర్మాణంలో ఎక్కడా రాజీపడకుండా ప్రేక్షకులకు ఒక కొత్త అనుభూతిని ఇవ్వడానికి ప్రయత్నిస్తామని నిర్మాత పేర్కొన్నారు.