దూకుడు పార్టనర్ గా రమేష్బాబు
ప్రిన్స్ మహేష్బాబు హీరోగా శ్రీనువైట్ల దర్శకత్వంలో 14 రీల్స్ ఎంటర్టైన్మెంట్ పతాకంపై ప్రతిష్టాత్మకంగా రూపొందిస్తున్న చిత్రం దూకుడు. ఈ చిత్రం ఆడియో ఇటీవలే విడుదలపై సినిమాపై భారీ అంచనాలని పెంచింది. అయితే తాజాగా ఈ చిత్ర నిర్మాణంలో పాలుపంచుకోనప్పటికీ, విడుదల సమయంలో ఈ చిత్రంలో పార్టనర్గా మహేష్బాబు అన్నయ్య రమేష్బాబు చేరుతున్నట్టు సమాచారం. తమ్ముడు మహేష్బాబుతో భారీ బడ్జెట్తో అతథి, అర్జున్ చిత్రాలు నిర్మించి చేతులు కాల్చుకోవడం తెలిసిందే.. అయితే దూకుడు సక్సెస్పై మహేష్బాబు విశ్వాసంగా ఉండటంతో ఈ చిత్రం సక్సెస్ సాధించి కాసుల వర్షం కురిపిస్తుందని ఊహించి నష్టాల్లో ఉన్న తన బ్రదర్ రమేష్ని ఈ చిత్రంలో పార్టనర్గా చేర్చేందుకు ప్రయత్నస్తున్నట్టు వినికిడి. గతంలో పూరి జగన్నాథ్ నిర్మించి సెన్సేషనల్ మూవీ పోకిరలో కూడా తన సోదరి మంజుల పార్టనర్గా చేరి లాభాలను కూడగట్టుకోవడం తెలిసిందే.. సో.. ఇప్పుడు రమేష్ని కూడా లాభాల్లోకి తీసుకురావడానికి మహేష్ నడుంబింగించాడని తెలుస్తోంది.