5am news,Telugu Portal, Political News, National News

రాష్ట్ర గవర్నర్ ఇఎస్ ఎల్ నరసింహన్ పోలీసు విభాగం నుంచి వచ్చినవారు. ఆయన దేశంలోనే అత్యున్నతమైన ఇంటిలెజిన్స్ బ్యూరో అధిపతిగా పనిచేసి కేంద్ర స్థాయిలో ఉన్న ప్రముఖులతో సన్నిహిత సంబంధాలు కలిగినవారు. ఆయన తన పదవీ విరమణ తర్వాత చెన్నైలో స్థిరపడడానికి అన్నీ సర్దుకుని సిద్దమైన తరుణంలో చత్తీస్ ఘడ్ గవర్నర్ గా నియమితులైనట్లు వర్తమానం వచ్చింది. తదుపరి ఆయన అక్కడ నుంచి ఆంధ్రప్రదేశ్ కు బదిలీ అయ్యారు. రాష్ట్రంలో తెలంగాణ ఉద్యమం కీలక దశలో ఉండగా ఆయన ఇక్కడ గవర్నర్ గా బాద్యతలు చేపట్టారు. ఆ దశలో మొత్తం ప్రభుత్వాన్ని ఆయనే నడుపుతారన్నంతగా ప్రచారం జరిగింది. ప్రభుత్వంలో ఉన్న రాజకీయ పెద్దలు కూడా తరచూ నరసింహన్ ను కలిసి సంప్రదింపులు చేస్తుంటారు. కొన్ని సార్లు అయితే డిజిపి పదవిలో ఉన్నవారు నేరుగా గవర్నర్ వద్దకు వెళ్లి శాంతి భద్రతల సమస్య గురించి మాట్లాడుతుంటారు. అదే సమయంలో ఆయా ప్రత్యేక సందర్భాలలో రాజకీయ పక్షాల నేతలందరితోను గవర్నర్ కలుస్తుంటారు. అలాగే చిరంజీవితో ప్రత్యేకంగా చర్చలు జరిపిన ఘట్టాన్ని కూడా గుర్తు చేస్తుంటారు. ఈ నేఫధ్యంలో అటు బ్యూరో క్రాట్ గా, ఇటు రాజకీయ నాయకుడిగా అందరితో ఎలా వ్యవహరి...

వైయస్సార్ కాంగ్రెసు పార్టీ అధ్యక్షుడు వైయస్ జగన్ ముఖ్య అనుచరుడు, జగతి పబ్లికేషన్స్ వైయస్ చైర్మన్ విజయసాయి రెడ్డి తర్వాత అరెస్టు ఎవరిదనేది ఇప్పుడు చర్చనీయాంశంగా మారింది. జగన్ సంస్థల్లో పెట్టుబడులు పెట్టినవారి గుండెల్లో ఇప్పుడు రైళ్లు పరిగెడుతున్నాయి. గత కొద్ది కాలంగా వైయస్ జగన్ ఆస్తుల కేసులో సిబిఐ దర్యాప్తు మందగించినట్లు కనిపించినప్పటికీ విజయసాయి రెడ్డి అరెస్టుతో అకస్మాత్తుగా వాతావరణం వేడిక్కెంది. తదుపరి అరెస్టులపై ఊహాగానాలు చెలరేగుతున్నాయి. విజయసాయి రెడ్డి తర్వాత కేసులో ప్రథమ ముద్దాయి వైయస్ జగన్ అరెస్టు అవుతారంటూ ఓ ఆంగ్ల దినపత్రిక ధైర్యం చేసి రాసింది. అరెస్టుల వరుసలో జగన్, వ్యాపారవేత్తలు నిమ్మగడ్డ ప్రసాద్, పెన్నా ప్రతాప రెడ్డి ఉంటారని ఆ పత్రిక అంచనా వేస్తూ రాసింది. వైయస్ రాజశేఖర రెడ్డి హయాంలో విజసాయి రెడ్డి పెట్టుబడుల రూపంలో వైయస్ జగన్ కంపెనీలకు లంచాలు రాబట్టడానికి మధ్యవర్తిగా వ్యవహరించారని సిబిఐ ఆరోపణ. విజయసాయి రెడ్డి వైయస్ జగన్ ఆస్తుల కేసులో రెండో నిందితుడు కాగా, జగన్ తొలి నిందితుడు, నిమ్మగడ్డ ప్రసాద్ 12వ నిందితుడు. జగన్ కంపెనీలకు పెట...

పరిటాల కుటుంబం నుంచి తనకు ప్రాణహాని ఉందని దివంగత మద్దిలచెర్వు సూరి భార్య గంగుల భానుమతి భయం వ్యక్తం చేశారు. తన భర్త హత్యకు పరిటాల కుటుంబీకులే కారణం అని ఆరోపించారు. టిడిపి నేతలతో కుమ్మక్కై తన భర్తని భానుయే హత్య చేశాడని ఆమె ఆరోపించారు. భాను బతికే ఉన్నాడని ఆమె చెప్పారు. పోతుల సురేష్, చమన్ సహకారంతో తనని హత్య చేసే అవకాశం ఉందని ఆమె తెలిపారు. పటోళ్ల, సూరి హత్యలకు చాలా వ్యత్యాసం ఉందన్నారు. సూరి హత్య తరువాత తమ కుటుంబం కష్టాల్లో ఉందని ఆమె చెప్పారు.

తెలంగాణ కాంగ్రెస్ ఎమ్.పిలకు ఒక స్పష్టమైన సమాచారం అందినట్లుగా ఉంది.తెలంగాణ ఉద్యమంలో గతంలో కాస్త తీవ్రంగానే మాట్లాడిన ఒక ఎమ్.పి ఇప్పుడు తెలంగాణపై నిర్ణయం జరగదని చెబుతున్నారు. ఉత్తరప్రదేశ్ తో సహా ఐదు రాష్ట్రాల శాసనసభ ఎన్నికలు పూర్తి అయ్యేవరకు ఈ అంశంపై ఎలాంటి నిర్ణయం కేంద్రం తీసుకోదని తమకు సమాచారం ఉందని చెబుతున్నారు. ఎప్పటికప్పుడు దీనిపై నిర్ణయం తీసుకోవడానికి కేంద్రానికి, కాంగ్రెస్ హై కమాండ్ కు సమస్యలు వస్తున్నాయని, తెలంగాణపై నిర్ణయం తీసుకునే సమయానికి ఉత్తరప్రదేశ్ లో మాయావతి ప్రభుత్వం ఆ రాష్ట్రాన్ని నాలుగు రాష్ట్రాలు చేయాలంటూ శాసనసభలో తీర్మానం చేయడం ద్వారా కొత్త తలనొప్పి తెచ్చారని,దాంతో ఈ అంశం ఇప్పుడు వెనకబడినట్లయిందని ఆ ఎమ్.పి చెప్పారు. కాగా తెలంగాణ రీజినల్ కమిటీ లేదా బోర్డు వంటివి కూడా ఇప్పట్లో ఏర్పాట్లు కావని ఆయన అభిప్రాయపడ్డారు. ఎందుకంటే తెలంగాణ కాంగ్రెస్ నేతలు ముఖ్యంగా మంత్రులు, ఎమ్.పిలు, ఎమ్మెల్యేలే ఈ ప్రతిపాదనను వ్యతిరేకిస్తున్నారని మరో సీనియర్ నాయకుడు చెప్పారు. ఏ నిర్ణయం తీసుకోకపోయినా ఫర్వాలేదుకాని, బోర్డు వేస్తే మాత్రం తాము ఇబ్బంది...

తెలంగాణ రాష్ట్ర సమితి అధినేత కె.చంద్రశేఖరరావు కుటుంబ మూలాలు ఉత్తరాంధ్రలోని విజయనగరం జిల్లాలో ఉన్నాయంటూ తెలుగుదేశం పార్టీ చేస్తున్న ప్రచారంపై టిఆర్ఎస్ మండిపడింది. చంద్రబాబు నాయుడు మూలాలు స్టూవర్టు పరంలో ఉన్నాయని విమర్శించింది. ఆ పార్టీ పాలిట్ బ్యూరో సభ్యుడు జగదీశ్వర్ రెడ్డి మీడియాతో మాట్లాడుతూ చంద్రబాబు కావాలని దుష్ప్రచారం చేస్తున్నారని, జగన్, టిఆర్ ఎస్ మాచ్ ఫిక్సింగ్ అని చెబుతున్న ఆయన నిజానికి గత ఉప ఎన్నికలలో కాంగ్రెస్ తో మాచ్ ఫిక్సింగ్ చేసుకున్నారని ధ్వజమెత్తారు. ఆంధ్ర కాంగ్రెస్ నేతలు చంద్రబాబు దర్శకత్వంలో పనిచేస్తున్నారని ఆయన ఆరోపించారు.

కృష్ణా జిల్లా కల్తీ సారా మృతుల కేసును తమ వర్గ రాజకీయాలకు చిరంజీవి వర్గం వాడుకుంటున్నట్లు కధనాలు వస్తున్నాయి. కల్తీ సారా వ్యవహారం ప్రబుత్వానికి నష్టం కలిగిస్తుందని భావిస్తున్న చిరంజీవి వెంటనే ప్రభుత్వం చర్యలు తీసుకోవాలని, ఇందులో ప్రభుత్వ వైఫల్యం ఉందన్న అర్ధం వచ్చే విధంగా ముఖ్యమంత్రి కిరణ్ కుమార్ రెడ్డికి లేఖ రాయడం విశేషం. బాధిత కుటుంబాలకు ఐదు లక్షల రూపాయల చొప్పున ఇవ్వాలని కూడా ఆయన డిమాండ్ చేశారు. కాగా చిరంజీవి కూడా కల్తీ సారా మృతుల కుటుంబాలను పరామర్శించడానికి వెళ్లవచ్చని అంటున్నారు. మొత్తం మీద చిరంజీవి కల్తీ సారా వ్యవహారంపై గరం,గరం గా స్పందిచడం ఆసక్తికరంగా ఉంది.

వై.ఎస్.ఆర్.కాంగ్రెస్ అధ్యక్షుడు జగన్మోహన్ రెడ్డి ఈసారి టైమ్స్ ఆఫ్ ఇండియాపై విరుచుకుపడ్డారు.ఎల్లో సిండికేట్ లో భాగంగా టైమ్స్ కూడా చేరిందా అని ప్రశ్నిస్తూ ఆయన తన పత్రికలో సుదీర్ఘమైన బహిరంగ లేఖ రాశారు. కాంగ్రెస్ పార్టీలో వై.ఎస్.ఆర్.కాంగ్రెస్ పార్టీ విలీనం కావడానికి జగన్ కాంగ్రెస్ పెద్దలతో అవగాహన కుదుర్చుకున్నారని జనవరి ఒకటో తేదీన రాసిన ఒక కధనంపై ఆయన తీవ్రంగా స్పందించారు. ఇదంతా ఎల్లో సిండికేట్ తప్పుడు ప్రచారమని, చంద్రబాబు నాయుడు చేయిస్తున్న తప్పుడు ప్రచారం అని, అందులో టైమ్స్ వంటి ప్రముఖ పత్రిక కూడా భాగస్వామి కావడం బాధాకరమని ఆయన వ్యాఖ్యానించారు.అలాగే నవంబర్ పద్దెనిమిదిన తాను ఢిల్లీలో కొందరి ద్వారా రాయబారం నడిపానని రాశారని, కాని ఆ సమయంలో తాను గుంటూరు ఓదార్పు యాత్రలో ఉన్నానని జగన్ గుర్తు చేశారు. పాత్రికేయులు తేదీలు ప్రస్తావించదలచినప్పుడు ఒకటికి రెండుసార్లు చెక్ చేసుకోవాలని ఈ ఉదంతం తెలియచేస్తుంది. అలాగే సంబంధిత వ్యక్తుల వివరణ కూడా కలిపి కూడా ప్రచురించడం సంప్రదాయంగా ఉంటుంది.భవిష్యత్తులో ఏమి జరిగినా ఇప్పుడు రాసేటప్పుడు మరిన్ని జాగ్రత...