కిరీటం వెన‌క్కి ఇచ్చేది లేదు..!

తిరుమల శ్రీవెంకటేశ్వర స్వామి ఆలయానికి కర్నాటక మాజీ మంత్రి గాలి జనార్ధనరెడ్డి సమర్పించిన బంగారు, వజ్రాల కిరీటం తిరిగి వెనక్కి ఇవ్వడం సాధ్యపడదని తిరుమల,తిరుపతి దేవస్థానం కార్యనిర్వహణాధికారి ఎల్.వి.సుబ్రహ్మణ్యం చెప్పారు. ఒకసారి భక్తులు ఇచ్చిన కానుకలు ఏవీ వెనక్కి ఎట్టి పరిస్థితిలోను ఇవ్వడం జరగదని,ఈ బంగారు కిరీటం విషయం లోను అంతేనని ఆయన స్పష్టం చేశారు. నలభై ఐదు కోట్ల రూపాయల విలువైన ఈ కిరీటాన్ని గాలి జనార్ధనరెడ్డికి వెనక్కి ఇచ్చి వేయాలని కొందరు డిమాండు చేశారు. అక్రమ మైనింగ్ కేసులో ప్రస్తుతం జైలులో ఉన్న జనార్ధనరెడ్డి తిరుమల, అలాగే శ్రీకాళహస్తి ఆలయాలకు ఆభరణాలు సమర్పించారు. శ్రీకాళహస్తి కి కూడా కోట్ల విలువైన ఆభరణాలు సమర్పించారు.కొన్ని రాజకీయ పక్షాలు గాలి సమర్పించిన కిరీటం వెనక్కి ఇవ్వాలంటూ తిరుపతిలో ప్రదర్శనలు కూడా నిర్వహించాయి.కాని అది సాధ్య పడదని టిటిడి స్పష్టం చేసింది.