జయ- సోనియా – మిత్రలాభం (పార్ట్-1) (ప్రత్యేక కథనం)

రాజకీయాల్లో ఎవ్వరూ శాశ్వత శత్రువులు ఉండరూ, అలాగే శాశ్వత మిత్రులు కూడా ఉండరు. ఈ ఫార్ము లాను అనుసరించే జయ- సోనియా – మిత్రలాభంకు సంబంధించిన వాస్తవాలు వెలుగుచూస్తున్నాయి. తమిళనాడు ప్రస్తుత ముఖ్యమంత్రి జయలలితకు, ఢిల్లీలో యుపీఏ పీఠం వేసుకుని కూర్చున్న సోనియా గాంధీకి రాజకీయపరంగా పచ్చగడ్డివేస్తే భగ్గుమంటుందన్నది అందరికి తెలిసిన సత్యం. జయలలిత తన పార్టీ అన్నాడీఎంకెను మొదటినుంచీ కాంగ్రెస్ వ్యతిరేకంగానే ముందుకు నడిపిస్తున్నారు. అందుకే కేంద్రంలో కాంగ్రెస్ వ్యతిరేక రాజకీయ శక్తులు ఆమెకూ, ఆమె పార్టీకి దగ్గరయ్యాయి. అయితే, కాంక్రీట్ బంధం బీటలు వారేలా చేయాలని సోనియా వ్యూహత్మకంగా అడుగులు వేస్తున్నారు. సోనియా ఇప్పుడు జయలిలతతో మిత్రత్వమే కోరుకుంటున్నారు. ఇక్కడ ఢిల్లీ నుంచి అక్కడ చెన్నైవరకు ప్రెండ్ షిప్ లైన్ కలపాలని సోనియా ప్రయత్నిస్తున్నారు.
అందుకే, జయలలిత గెలవగానే సోనియా ఓ రాయబర సందేశం పంపించారు. స్నేహహస్తం చాచారు. అయితే, అప్పటికి జయలలిత బింకంగాఉన్నట్టు కనపించినా సోనియా అంతర్గత వ్యూహం తెలిశాక మెత్తబడుతున్నారని ఆమెకు అత్యంత సన్నిహితంగా మెలుగుతున్న వర్గాలు చెబుతున్నాయి. ఈ కొత్త రాజకీయ కథలో సోనియా వ్యూహం ఏమిటీ…జయలిలత ఏ కారణంగా సోనియాతో మైత్రీ బంధానికి ఇష్టపడబోతున్నారు? వీరిద్దరూ అత్యంత రహస్యంగా చక్కబెట్టే రాజకీయ వ్యవహారాలు – వాటి ఫలితాలు ఎలా ఉండబోతున్నాయన్నది తెలుసుకోవాలంటే…

(తరువాయి రెండో భాగంలో)

- భూషణ్ (న్యూఢిల్లీ)