కోదండరామ్ కు క్లాస్ పీకిన కెసిఆర్

తెలంగాణ సంయుక్త కార్యాచరణ కమిటీ ఛైర్మన్ కోదండరామ్ కు తెలంగాణ రాష్ట్ర సమితి అధినేత కె.చంద్రశేఖరరావుక్లాస్ పీకారు. ఈ కమిటీ కార్యాలయం ప్రస్తుతం తెలుగుదేశం ఎమ్మెల్యే ఎర్రబెల్లి దయాకరరావు క్వార్టర్ లో ఉంది. అక్కడ నుంచే కోదండరామ్ కార్యకలాపాలు నిర్వహిస్తున్నారు.వెంటనే ఎర్రబెల్లి క్వార్టర్ ను ఖాళీ చేసి ఒక అపార్టుమెంట్ ను అద్దెకు తీసుకోవాలని కెసిఆర్ సూచించారు. దానికి అయ్యే ఖర్చును తానే భరిస్తానని అఆయన అన్నారు. అలాగే నాగం జనార్ధనరెడ్డి సభకు కొందరు జెఎసి నేతలు వెళ్లడం పై కూడా కెసిఆర్ మండిపడ్డారు. ఆ సభకు వెళ్లవలసిన అవసరం ఏముందని ఆయన ప్రశ్నించారని అంటున్నారు. మొత్తం మీద తెలంగాణ జెఎసి అనేది స్వతంత్ర ప్రతిపత్తి కలిగిన సంస్థగా నడవడానికి కెసిఆర్ ఇష్ట పడుతున్నట్లు లేదు. జెఎసిని తన అధీనంలోనే నడపాలన్న ధోరణి కనపడిందని కొందరు వ్యాఖ్యానిస్తున్నారు.